मी व्यवसायाने अभियंता असून 2006 पासून डाळिंब शेती करत आहे. एवढे ट्रेनिंग करून आणि एवढा अनुभव असून ही सरांचे एकही वेबिनार सोडत नाही आणि वर्षांत किमान 2 ट्रेनिंग करतोच करतो, कारण त्याचे फायदे अगणित आहेत. गोरे सरांचे ट्रेनिंग करण्यापूर्वीची शेती आणि आताची शेती जमीन अस्मानाचा फरक आहे. एकही हंगाम आता फेल जात नाही. पूर्वीचा परावलंबीपणा, धाकधूक, भीती, दडपण केव्हाच संपलेलं आहे. खूप मोठा आत्मविश्वास निर्माण झालेला आहे आणि निर्णय घेताना पूर्वी सारख्या फारश्या चुका होत नाहीत. खर्च निम्म्यापेक्षा जास्त कमी होऊन उत्पादनांची गुणवत्ता फार मोठ्या प्रमाणात सुधारली आहे. नफ्याचे प्रमाण वाढलेले आहे. हा सर्व फायदा म्हणजे एक न संपणारा अमूल्य ठेवा आहे ज्याची किंमत होऊच शकत नाही आणि या फायद्याचे वर्णन मी शब्दात करूच शकत नाही.

गोरे सरांसारखा गुरु न भूतो न भविष्यती. हे त्रिकालाबाधित सत्य आहे. खरोखर शेती क्षेत्रामध्ये एवढे अष्टपैलू (Versatile, All round) व्यक्तिमत्व कोठेही नाही.

हे मी खात्रीपूर्वक सांगू शकतो. कृषी विद्यापीठा बद्दल न बोललेच बरे. कोणत्याही तज्ञास फक्त एकाच विषयाचे ज्ञान असते आणि तेही बहुधा थेअरीच. ते सुद्धा घेण्यासाठी भरमसाठ रक्कम मोजावी लागते, जी सर्व सामान्य शेतकर्‍यांच्या आवाक्याबाहेर असते आणि अशा ज्ञानाचा प्रत्यक्ष शेती मध्ये फारसा फायदा ही नसतो हे अनुभवाने लक्षात येते.

शेतीचे सर्व विषय आणि तेही प्रॅक्टिकल्स सह, सर्व ट्रायल सह, एवढ्या प्रदीर्घ अनुभवा सह, नाम मात्र दरामध्ये, सर्वाना समजेल एवढ्या सोप्या भाषेत, अशी शिक्षण व्यवस्था खरोखरच जगाच्या पाठीवर कोठे ही नसावी... याचा लाभ न घेणारा खरोखर पामरच...

मी आज पर्यंत गोरे सरांचे पाच ट्रेनिंग केले आहेत.

आताचे प्लॅन्ट न्युट्रीशन मास्टरी हे माझे सहावे ट्रेनिंग आहे, सर्वांनी प्रत्येक ट्रेनिंग करावे, वेगवेगळ्या ट्रेनिंग मध्ये वेगवेगळी माहिती मिळते.

गोरे सर म्हणजे एक भूमातेचे दैवत आहे.

धन्यवाद.

हा कोर्स माझ्या डाळिंब शेतीला वरदान ठरला आहे. मा. गोरे सरांनी सांगितलेली माहिती मी शांत मनाने किती तरी वेळेस ऐकली व अजुनही मला वेळ भेटल्यावर मी सरांचे व्हिडिओ कोर्स Agri Academia या मोबाइल अॅप पाहतो व त्या पध्दतीने डाळिंब शेतीत आता काम करतो. मला माझ्या डाळिंब शेती खूप बदल दिसून आलेला आहे. मागील वर्षी माझ्या बागेची पूर्णपणे फुलगळ झाली होती, त्या वेळी मला सचिन चिंधे साहेब भेटले व त्या नी मला सांगितले की आपण बी. टी. गोरे सरांनी सांगितलेल्या पध्दतीने शास्त्रीय पद्धतीने प्रयत्न करून पहा, मग त्या पध्दतीने मी बागेत काम करायला सुरुवात केली एका महिन्यातच बागेला पुन्हा कळी निघाली. त्या वर्षी मला चारशे झाडात सहा टनांपर्यंत माल निघाला शंभर रुपये दर भेटला. दोन वर्षे झाली आहे तसे संराचे मार्गदर्शन घेत आहे व इथून पुढेही घेणार आहे. धन्यवाद

माझे मुळ गाव मु. वाल्हे - आडाचीवाडी, ता. पुरंदर जि. पुणे आहे. माझी चार एकर शेती असून, अंजीर, पेरू, शिताफळ ही फळबाग लागवड केली आहे. सध्या ती खंडाने दिली आहे. मी दोन वर्षांत सेवानिवृत्त होत आहे. मला सेंद्रिय शेती करण्याची आवड आहे. तीन वर्षांपूर्वी पासून मी YouTube वर सर्च करून त्या विषयाचे थोडेफार ज्ञान मिळवण्याचा प्रयत्न केला आहे. पण आपले BTGore चॅनल जॉइन केल्यापासून खुपचं नवीन व उपयुक्त माहिती मिळते. आपण लेक्चर मध्ये सांगितले प्रमाणे सर्व शेतकऱ्यांनी अंमलबजावणी केली तर, शेतीत सेंद्रिय उत्क्रांती होऊन शेतकरी आत्महत्या बंद होऊ शकतात. विषमुक्त मालाची निर्मिती होऊन आजार कमी होऊ शकतात. शेतीचे आरोग्य सुधारते. उत्पादन खर्च कमी होऊन शेतकऱ्यांना शेतमालाचा योग्य मोबदला मिळू शकतो. आपल्या कडून मिळालेल्या ज्ञानाचा उपयोग करून भविष्यात सेंद्रिय शेती करण्याची योजना आहे.

पावसाळी हंगाम आणि डाळिंब रोग व्यवस्थापन याविषयी आपले गुरु आदरणीय गोरे सरांनी दिलेले लेक्चर अत्यंत उपयुक्त आणि डाळिंब उत्पादक शेतकन्यांसाठी लाख मोलाचे आहे. सरांनी सांगितलेल्या सर्व गोष्टींचा जास्तीत जास्त आपल्या बागेत योग्य वेळी वापर करून रोगाचे व्यवस्थापन करावे, डागमुक्त व गुणवत्तापूर्ण डाळिंब उत्पादन करून आर्थिक उन्नती करून घ्यावी व वर्षातून एक वेळा कोर्स नक्की करावा.

काल साटणा येथे आपला कार्यक्रम खूप छान झाला. मी सातमाने येथे पण तुमचा कार्यक्रमास होतो.तुमची शेतीची पद्धत मला खूप सोपी वाटली. मी रासायनिक 50% कमी केले , व तण नाशक बंद केले त्यामुळे माझ्या बागेत कमी प्रमाणात तेल्या होता. माझा प्लॉट जानेवारीचा होता. माझा माल हरवेस्टिंग झाला.सर माझे शिक्षण कमी आहे पण माझी मुलगी कुमारी श्वेता सुरेश नरोटे BSC Agri केली आहे ती तुमचे ऑनलाइन क्लास करते व  मला मार्गदर्शन करते. ती तुम्हाला गुरु मानते . ती कायम तुमचे कौतुक करत असते , सर असेच सहकार्य आम्हा शेतकर्‍यांना राहू द्या ही विनंती. 

मी एक अत्यल्प भू धारक शेतकरी आहे. 

मी माझ्या डाळींबाचे श्रेय  गोरे सर अपणास देते , आपल्या ऑनलाइन ट्रेनिंगमुळे मी हे डाळिंब काढू शकले, डाळींबाचे  पूर्ण नियोजन मी स्वत :  केले आहे आणि पुढील वर्षी उत्तम दर्जाचे डाळिंब काढण्याचा प्रयत्न करेल , सरांनी असेच मार्गदर्शन करावे ही नम्र विनंती .

सरांचे मनापासून धन्यवाद ,

ज्योती किशोर देवरे .